आता प्रभाग १३ मधून उमेदवारीची तयारी
जळगाव अपडेट न्यूज, निखिल वाणी I शहरातील मोहाडी रोड परिसरात गेली १२ वर्षे “युडीज ब्यूटी पार्लर अँड सलून” यशस्वीपणे चालवणाऱ्या सौ. हर्षा उदय पवार या केवळ सौंदर्य व्यवसायापुरत्याच मर्यादित नसून सामाजिक कार्यातही सक्रिय आहेत. त्यांच्या कार्यतत्परतेमुळे परिसरात त्यांच्याबद्दल आदर, आत्मीयता व विश्वासाचे वातावरण निर्माण झाले आहे. आता प्रभाग क्रमांक १३ मधून आगामी महानगरपालिका निवडणुकीत त्या उमेदवारीसाठी रिंगणात उतरण्याची तयारी करत आहेत. नागरिकांनी त्यांना उमेदवार म्हणून पाहण्याची एकमुखी इच्छा व्यक्त केली आहे.
सौ. हर्षा पवार या “युडीज” समूहाच्या सखी मंच प्रतिनिधी आणि नारीशक्ती प्रतिनिधी असून, महिलांच्या सक्षमीकरणासाठी त्या गेल्या अनेक वर्षांपासून कार्यरत आहेत. विविध सामाजिक व सांस्कृतिक उपक्रमांतून त्यांनी महिलांना स्वावलंबन व आत्मविश्वासाचा संदेश दिला आहे.
🌺 गेल्या काही वर्षांतील प्रमुख उपक्रम
🇮🇳 २६ जानेवारी भारत माता पूजन व वक्तृत्व स्पर्धा आयोजन
👭 महिला भगिनींसाठी हळदीकुंकू सोहळा व विविध स्पर्धा
🌸 महिला दिनानिमित्त विशेष सन्मान सोहळा आयोजन
🙏 महापुरुषांच्या जयंती व पुण्यतिथी साजरे करणे
🎉 गणेशोत्सव व नवरात्र उत्सवात उत्स्फूर्त सहभाग
🪔 दिवाळीत साफसफाई कर्मचाऱ्यांना फराळ व गिफ्ट वाटप
🏥 आरोग्य निदान शिबिरे व मेडिकल हेल्थ चेकअप कॅम्प आयोजन
🙌 दत्त जयंती व सप्ताह कार्यक्रमात सहभाग
🧹 नेहरूनगर, रायसोनी नगर, देवेंद्र नगर, संभाजी नगर, राम-लक्ष्मण नगर, शंभर फुटी रोड या परिसरात स्वच्छता अभियान राबविले
🌸 नागरिकांचा विश्वास व नवीन चेहरा
सौ. हर्षा पवार या प्रभाग क्रमांक १३ मधील नवा, ऊर्जावान व कार्यक्षम चेहरा म्हणून पुढे येत आहेत. महिलांसाठीची बांधिलकी, सामाजिक कार्यातील सक्रियता आणि नागरिकांशी असलेला थेट संवाद यामुळे त्यांच्या उमेदवारीबाबत परिसरात उत्साहाचे वातावरण आहे.
रामराज्य बहुउद्देशीय संस्थेचे संस्थापक अध्यक्ष नितीन तुळशीराम जाधव यांनी देखील प्रभाग क्रमांक १३ मधून नगरसेवक पदासाठी निवडणूक लढविण्याची घोषणा केली आहे. मात्र, नागरिकांच्या मते सौ. हर्षा पवार या महिला उमेदवार म्हणून प्रभागाचा विकास आणि महिला सक्षमीकरणाची नवी दिशा देऊ शकतात.
💪 कोरोना काळातील निस्वार्थ सेवा
कोरोना महामारीच्या काळात हर्षा पवार व त्यांचे पती उदय पवार यांनी नागरिकांसाठी जेवण वितरण, सॅनिटायझर फवारणी आणि आरोग्य सुरक्षा उपक्रम राबवून उल्लेखनीय काम केले. गणराज्य दिनानिमित्त गरीब विद्यार्थ्यांना शैक्षणिक साहित्य वाटप करून सामाजिक सलोख्याचा संदेश दिला.
मागील काही वर्षांत पवार दाम्पत्याने परिसरातील नागरिकांच्या समस्या जाणून घेऊन त्यावर प्रत्यक्ष तोडगा काढण्यासाठी नेहमीच पुढाकार घेतला आहे. यामुळे नागरिकांमध्ये त्यांच्या कार्याबद्दल विश्वास व आत्मीयतेचे नाते अधिक घट्ट झाले आहे.
💬 सौ. हर्षा पवार यांचे मत
> “आपल्या प्रभागातील प्रत्येक नागरिकाचा विश्वास जपणे आणि सर्वसमावेशक विकास साधणे हेच माझे ध्येय आहे. नागरिकांनी माझ्या पाठीशी राहून सहकार्य करावे, हीच माझी मनापासून अपेक्षा आहे. महिलांसाठीच्या उपक्रमांना नवा आयाम देऊन समाजातील प्रत्येक घटकाच्या प्रगतीसाठी काम करणार आहे.”
मोहाडी रोड परिसरात सौ. हर्षा उदय पवार यांच्या नावावर नागरिकांचा विश्वास व उत्साह वाढत असून, महिलांच्या सक्षमीकरणाची प्रेरणादायी ओळख म्हणून त्यांचे व्यक्तिमत्त्व प्रकट होत आहे. येणाऱ्या महानगरपालिका निवडणुकीत त्या प्रभाग क्रमांक १३ मधून रिंगणात उतरल्यास, एक नवा उत्साही व लोकाभिमुख चेहरा नागरिकांना पाहायला मिळेल, असा विश्वास परिसरातील नागरिक व्यक्त करत आहेत.
टिप्पणी पोस्ट करा