जळगाव अपडेट न्यूज, निखिल वाणी I काल जम्मू-काश्मीरमधील पहलगाम येथे झालेल्या क्रूर आणि भ्याड दहशतवादी हल्ल्याच्या तीव्र निषेधार्थ आज जळगाव जिल्ह्यात शिवसेनेकडून तीव्र निषेध आंदोलन करण्यात आले. पक्षाचे पदाधिकारी आणि कार्यकर्त्यांनी एकत्र येत पाकिस्तानविरोधी घोषणा दिल्या आणि रोष व्यक्त करत पाकिस्तानी झेंडा पायदळी तुडवून जाळण्यात आला.
या आंदोलनामध्ये शिवसेनेचे जिल्हा प्रमुख विष्णू भंगाळे, महानगर प्रमुख संतोष भगवान पाटील, शहर प्रमुख कुंदन काळे, गणेश सोनवणे, शिवराज पाटील, तालुका प्रमुख शाम कोगटा, विधानसभा क्षेत्र प्रमुख स्वप्नील परदेशी, उपजिल्हा प्रमुख रवी कापडणे, युवा सेना जिल्हा प्रमुख रोहित कोगटा, नगरसेवक नवनाथ दारकुंडे व किशोर बाविस्कर, तसेच पियूष कोल्हे, प्रवीण परदेशी, राहुल नेतलेकर, विजू लाड, शुभम निकम, उपशहर प्रमुख राजेश काळे, अमोल मोरे, विजय कासार, सोहम विसपुते, संकेत कापसे, ॲड. अभिजित रंधे, जितेंद्र गवळी, दीपक पाटील, ऋषिकेश सोनवणे, वसंत सोनवणे, विक्रम परदेशी, सुदर्शन पाटील आदींची उपस्थिती होती.
शिवसेनेने सरकारकडे हल्लेखोरांविरुद्ध कठोर कारवाईची मागणी करत, देशाच्या सुरक्षेसाठी कठोर पावले उचलावीत अशी मागणी यावेळी केली. आंदोलनादरम्यान देशभक्तीपर घोषणा देत कार्यकर्त्यांनी संताप व्यक्त केला.
टिप्पणी पोस्ट करा