रावेर-यावल मतदारसंघातील प्रचार मोहिमेचा शुभारंभ; साईबाबा मंदिरात होणार संकल्प सिद्ध
जळगाव अपडेट न्यूज निखिल वाणी, यावल/रावेर I परिवर्तन महाशक्ती प्रहार जनशक्ती पक्षाचे अधिकृत उमेदवार अनिल छबिलदास चौधरी यांच्या प्रचार अभियानाचा शुभारंभ उद्या, ५ नोव्हेंबर २०२४ रोजी दुपारी ३ वाजता श्री तीर्थक्षेत्र साईबाबा मंदिर, वनोली (ता. यावल) येथे होणार आहे. साईचरणी आश्रय घेत, चौधरी आपल्या प्रचाराचा संकल्प साईचरणात सिद्ध करणार आहेत.
या उद्घाटनानंतर, चौधरी कार्यकर्त्यांशी संवाद साधतील. प्रचार नारळ वाढवल्यानंतर, चौधरी संध्याकाळी ४ वाजता न्हावी येथे कार्यकर्ता मेळाव्याला संबोधित करतील. या प्रसंगी माजी नगराध्यक्ष अभिमन्यू चौधरी, तुकाराम बारी, हाजी हकीम शेठ, आलिम शेख, दिलीप कोळी, माजी नगरसेवक बिलाल शेख, संभाजी सोनवणे, विकास पाटील, गणेश बोरसे, योगेश निकम तसेच प्रहार आणि परिवर्तन महाशक्ती पक्षाचे अनेक पदाधिकारी उपस्थित राहणार आहेत.
प्रचाराच्या पहिल्या दिवशी मोठ्या संख्येने कार्यकर्त्यांनी साई मंदिर वनोली येथे उपस्थित राहावे, असे आवाहन प्रहार जनशक्ती पक्षाचे यावल तालुकाध्यक्ष नंदकिशोर सोनवणे यांनी केले आहे.
टिप्पणी पोस्ट करा