पत्नी गंभीर जखमी, संशयित आरोपीला घातल्या बेड्या
जळगाव अपडेट न्यूज, निखिल वाणी I चारित्र्याच्या संशयावरून पतीने दोघे मुलांसह पत्नीवर वार करून पत्नी ला गंभीर जखमी केले आहे. या घटनेत दोन लहान मुलांचा मृत्यू झाल्याची धक्कादायक घटना घडली आहे. याप्रकरणी संशयित आरोपीला स्थानिक पोलिसांनी बेड्या घातल्या आहेत.
सविस्तर माहिती अशी आहे की, जळगाव जिल्ह्यातील चोपडा तालुक्यात असणारे गौऱ्यापाडा या गावात संजय नाना सिंग पावरा (वय 23) हा 19 वर्षे आपल्या पत्नीसोबत दोन मुलांसोबत राहत होता. आरोपी संजय पावरा याचे दि. 18 रोजी पत्नी सोबत जोरदार भांडण झाले. त्यामुळे त्याची पत्नी मुलांसह मध्य प्रदेशमध्ये आत्याच्या घरी निघून गेली. संजय पावरा याच्या आई-वडिलांनी तिथे जाऊन भांडण केले. त्यामुळे नातेवाईकांनी तिला माहेरी मध्य प्रदेशमधील देवली येथे सोडून दिले. त्यानंतर पती मुलाला घेऊन देवली येथे गेला व पत्नी सोबत जोरदार भांडण झाले व रागाच्या भरात कुऱ्हाडीने वार करून मुलगा डेविड पाच वर्ष व मुलगी डिंपल तीन वर्ष यांना कुराडीने वार करून जागीच ठार केले व पत्नीवर पाच ते सहा वार केले.
तेथील लोकांनी त्याला पोलिसांच्या स्वाधीन केले. याप्रकरणी मध्य प्रदेश मधील वरला पोलीस ठाण्यात गुन्हा दाखल करण्यात आला आहे. पत्नीही गंभीर जखमी असल्याने धुळे येथील शासकीय रुग्णालयामध्ये शस्त्रक्रिया करण्यात आली आहे. तिची परिस्थिती अत्यंत नाजूक आहे.
टिप्पणी पोस्ट करा