जळगाव अपडेट न्यूज, निखिल वाणी| जळगाव शहरात शिवसेना उद्धव बाळासाहेब ठाकरे गट व महाविकास आघाडीच्या अधिकृत उमेदवार जयश्री महाजन यांच्या उमेदवारीमुळे शहराच्या राजकीय वातावरणात नव्या उर्जेची लहर निर्माण झाली आहे. माजी महापौर म्हणून आपल्या कार्यकाळात प्रभावी कामगिरी केलेल्या जयश्री महाजन यांचे आमदार म्हणून निवडून येण्याची उत्सुकता शहरवासीयांमध्ये वाढत आहे.
आज (दि. ९) स्टेट बँक कॉलनी ते मायादेवी मंदिर परिसरात जयश्री महाजन यांच्या समर्थनार्थ भव्य प्रचार रॅली काढण्यात आली. या रॅलीमध्ये महाविकास आघाडीचे पदाधिकारी, कार्यकर्ते आणि स्थानिक नागरिक मोठ्या संख्येने सहभागी झाले होते. रॅलीत सहभागी झालेल्या समर्थकांनी जयश्री महाजन यांच्याबद्दल आपला विश्वास व्यक्त करत, त्यांच्या नेतृत्वाला शहराच्या प्रगतीसाठी महत्त्वाचे ठरणारे असल्याचे स्पष्ट केले.
जयश्री महाजन यांची महापौर म्हणून कारकीर्द विशेषत: उल्लेखनीय ठरली आहे. त्यांनी महापालिकेचा आर्थिक हवाला कमी करत, शहराला कर्जमुक्त करण्याच्या दृष्टीने महत्त्वपूर्ण पाऊले उचलली. यामुळे जळगावच्या आर्थिक स्थैर्याला चांगला हातभार लागला. याच पार्श्वभूमीवर, लोकांनी त्यांना आमदारपदी निवडून येण्याची अपेक्षा व्यक्त केली आहे.
समर्थकांचा विश्वास आहे की, महापौर ते आमदार हा प्रवास जयश्री महाजन यासाठी यशस्वी ठरेल आणि त्या जळगावच्या विकासाच्या इतिहासात एक नवा अध्याय लिहू शकतात.
रॅलीनंतर, जयश्री महाजन यांनी मायादेवी मंदिरात जाऊन आपल्या विजयासाठी प्रार्थना केली. त्यांच्यासोबत महाविकास आघाडीचे वरिष्ठ नेते, पदाधिकारी आणि कार्यकर्त्यांनीही मोठ्या संख्येने उपस्थिती दर्शवली. समर्थकांच्या जयघोषात उत्साहाचे वातावरण निर्माण झाले होते, ज्यामुळे जयश्री महाजन यांच्या विजयासाठी आत्मविश्वास अधिक दृढ झाला आहे.
या प्रचार रॅलीने जळगाव शहरात जयश्री महाजन यांच्या उमेदवारीबद्दल एक सकारात्मक आणि उत्साही वातावरण निर्माण केले आहे.
टिप्पणी पोस्ट करा