चाळीसगाव मतदारसंघात महिलांचा लक्षणीय सहभाग; प्रतिभाताई चव्हाण यांचे ग्रामीण भागातील धडाडीचे प्रचार अभियान, आमदार मंगेश चव्हाण यांच्या कार्याची फलश्रुती
जळगाव अपडेट न्यूज, निखिल वाणी, चाळीसगाव : भा.ज.पा. व मित्रपक्ष महायुतीचे उमेदवार आमदार मंगेश चव्हाण यांनी प्रचारात आघाडी घेतली आहे, परंतु त्यांच्या पत्नी प्रतिभा चव्हाण देखील मागे नाहीत. त्यांच्या प्रचाराची तालुक्यातच नव्हे, तर संपूर्ण जिल्ह्यात जोरदार चर्चा सुरु झाली आहे.
प्रतिभा चव्हाण यांनी मतदारसंघातील शहरी भागासोबतच ग्रामीण भागाचीही जबरदस्त फेरी घेतली आहे. त्यांचा प्रचार खूपच उत्साही आणि सशक्त झाला असून महिलांचा त्यात लक्षणीय सहभाग दिसून येत आहे. जणू चाळीसगाव विधानसभा मतदारसंघातील प्रचाराच्या नायक ठरल्या आहेत.
विधानसभा निवडणुकीच्या प्रचारात प्रत्येक उमेदवार आपापल्या पद्धतीने सक्रिय आहेत. त्यात चाळीसगाव मतदारसंघात महायुतीचे उमेदवार आमदार मंगेश चव्हाण यांच्या पत्नी प्रतिभा चव्हाण यांनी अर्ज दाखल करण्यापूर्वीच प्रचाराचा पहिला टप्पा चाळीसगाव शहरात पूर्ण केला. दुसऱ्या टप्प्यात त्यांनी जिल्हा परिषद गटानुसार ग्रामीण भागात घरोघरी जाऊन प्रचार पुर्ण करण्यासाठी मेहनत घेतली आहे.
प्रतिभा चव्हाण यांच्या या सक्रियतेमुळे महिला पदाधिकारी व विविध आघाड्यांचे कार्यकर्ते त्यांच्या सोबत प्रचारात सहभागी झाले आहेत. प्रचाराच्या या धडाडीच्या प्रयत्नांमुळे चाळीसगाव तालुक्यात तसेच जिल्हाभरात त्यांचे कौतुक होत आहे. इतर उमेदवार ज्या टप्प्यात प्रचार सुरु करतात, त्या तुलनेत प्रतिभा चव्हाण यांनी प्रचाराच्या कामात जलद गतीने प्रगती केली असून एकप्रकारे त्यांनी रेकॉर्ड स्थापित केला आहे.
प्रतिभा ताईंना गावोगावी आणि घरोघरी महिलांचा व तरुणींचा उत्तम प्रतिसाद मिळत आहे. या माध्यमातून ते दाखवते की आमदार मंगेश चव्हाण यांनी महिलांसाठी केलेले कार्य, विशेषत: बहिणींसाठी, त्यांचा प्रभावी आणि भावनिक फळ म्हणून व्यक्त होत आहे. अनेक माता भगिनींनी त्यांच्यासमोर आपले भावनिक विचार व्यक्त करत, त्यांना आशीर्वाद दिले आहेत.
महिला आघाडीचा देखील प्रचारात मोठा सहभाग दिसून येत आहे. एकंदरीत, प्रतिभाताई चव्हाण यांनी संपूर्ण तालुक्यात घरोघरी काम पोहोचवले आहे, आणि त्यांच्या या मेहनतीला सकारात्मक प्रतिसाद मिळत आहे.
टिप्पणी पोस्ट करा