जळगाव, प्रतिनिधी I श्री संत बाबा गुरुदास राम साहेब यांच्या ९४ व्या जन्मोत्सवानिमित्त जळगाव शहरातील सिंधी कॉलनी परिसरात संत बाबा गुरुदासराम चॅरिटेबल ट्रस्टच्या वतीने गरजू आणि economically दुर्बल नागरिकांसाठी मोफत धान्य कीट वाटपाचा उपक्रम मोठ्या उत्साहात पार पडला.
गेल्या तब्बल ४५ वर्षांपासून चालू असलेल्या या सामाजिक परंपरेनुसार, यंदाही ट्रस्टतर्फे शेकडो गरजूंना जीवनावश्यक वस्तूंचे कीट वितरित करण्यात आले. या किटमध्ये तांदूळ, गहू, डाळी, साखर, तेल, मसाले अशा विविध वस्तूंचा समावेश होता.
कार्यक्रमासाठी ट्रस्टचे पदाधिकारी, स्वयंसेवक व स्थानिक नागरिक मोठ्या संख्येने उपस्थित होते. लाभार्थ्यांनी या उपक्रमाचे मन:पूर्वक स्वागत करत ट्रस्टच्या कार्याचे कौतुक केले.
संत बाबा गुरुदास राम यांच्या समाजहिताच्या विचारांना अनुसरून ट्रस्ट सामाजिक बांधिलकी जपत सातत्याने गरजूंना मदत करत आहे. अशा उपक्रमांमुळे समाजात एकता, सहकार्य व माणुसकीची भावना अधिक बळकट होत असल्याचे मत अनेकांनी व्यक्त केले.
टिप्पणी पोस्ट करा