जळगाव अपडेट न्यूज, निखिल वाणी I रोजलँड इंग्लिश मीडियम हायस्कूल आणि रोजलँड प्राथमिक विद्यामंदिर येथे स्वातंत्र्य दिन मोठ्या उत्साहाने साजरा करण्यात आला. या सोहळ्यात प्रमुख पाहुणे म्हणून ज्येष्ठ नागरिक व जळगावातील पहिल्या महिला टेलिफोन ऑपरेटर तसेच सामाजिक कार्यकर्त्या, सुषमा प्रधान उपस्थित होत्या. त्यांच्या हस्ते ध्वजारोहण करण्यात आले.
शाळेच्यावतीने मुनिरा तरवारी यांनी सुषमा प्रधान यांचा शाल, श्रीफळ व पुष्पगुच्छ देऊन सत्कार केला. स्वातंत्र्य दिनानिमित्ताने विद्यार्थ्यांनी विविध सांस्कृतिक कार्यक्रम सादर केले. विद्यार्थ्यांनी देशावर भाषण व समूहगीत गायन केले तसेच बालकलाकारांनी स्वातंत्र्यसैनिकांच्या वेशभूषेत त्यांची सुवचने सादर केली.
रोजलँडच्या अध्यक्षा रोजमीन खिमानी प्रधान यांनी फ्लोरिडा येथून शुभेच्छा संदेश पाठवला. कार्यक्रमास विद्यार्थी, पालक, व शिक्षक मोठ्या संख्येने उपस्थित होते. विद्यार्थ्यांनी पथसंचलनही केले. जितेंद्र सोनावणे, आदर्श शिक्षक पुरस्कार विजेते यांनी विद्यार्थ्यांकडून मार्चिंग कॉर्पस करवून घेतले.
कार्यक्रमाचे सूत्रसंचालन नववी व दहावी चे विद्यार्थी मुद्दसिर, मुंत्तासिब, पार्थ व नेहा यांनी केले. कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांनी सहकार्य केले. कार्यक्रमाची सांगता विद्यार्थ्यांना बिस्किट वाटप करून करण्यात आली.
टिप्पणी पोस्ट करा