जळगाव अपडेट न्यूज निखिल वाणी I मानवी संवेदना व त्यागाचे उदाहरण ठरावी अशी हृदयद्रावक घटना जळगाव शहरातील मेहरूण परिसरात घडली आहे. घराच्या छतावर गोधडी सुकवताना उच्चदाबाच्या विजेच्या तारांच्या स्पर्शाने अपघात होणार असताना, आपल्या ७ वर्षांच्या चुलत बहिणीचा जीव वाचवण्यासाठी अजय सोनवणे या तरुणाने स्वतःचा जीव धोक्यात घातला.
२१ सप्टेंबर रोजी ही घटना घडली. चुलत बहीण गोधडी टाकत असताना ती अचानक उच्चदाबाच्या तारांवर पडली. हे पाहताच अजयने क्षणाचाही विलंब न करता लोखंडी रॉड हातात घेत बहिणीला बाजूला ढकलले आणि तिचा जीव वाचवला. परंतु त्या क्षणी विजेचा जोरदार धक्का बसल्याने अजयचे दोन्ही हात गंभीररीत्या भाजले.
प्रथम त्याला जळगाव शासकीय वैद्यकीय महाविद्यालयात दाखल करण्यात आले. पुढील उपचारांसाठी त्याला छत्रपती संभाजीनगर येथे हलवण्यात आले. मात्र, खासगी रुग्णालयाचा खर्च परवडत नसल्याने पुन्हा १ ऑक्टोबर रोजी जळगाव जीएमसीमध्ये आणण्यात आले. उपचारादरम्यान जखमा वाढल्यामुळे ६ ऑक्टोबर रोजी अजयचे दोन्ही हात कापावे लागले.
सध्या अजयची प्रकृती स्थिर असून, त्याच्या या शौर्यपूर्ण आणि त्यागमय कृतीबद्दल परिसरात सर्वत्र कौतुकाचा वर्षाव होत आहे.
टिप्पणी पोस्ट करा