मालेगाव येथून चोरी झालेला डंपर फातेमा नगरात सापडला, पोलिसांच्या तांत्रिक व गुप्त माहितीच्या मदतीने कारवाई
जळगाव अपडेट न्यूज निखिल वाणी । नाशिक जिल्ह्यातील मालेगाव येथून चोरीला गेलेला ११ लाख रुपयांचा डंपर जळगाव एमआयडीसी पोलिसांच्या पथकाने फातेमा नगर परिसरातून सापडला. पोलिसांनी गुप्त माहिती आणि तांत्रिक साधनांच्या मदतीने दोन दिवसांच्या शोधाच्या नंतर डंपर जप्त केला.
मिळालेल्या माहितीनुसार, मालेगाव तालुका पोलिस स्टेशन येथे गु.र.न. ७१६/२०२४ भारतीय न्याय संहिता कलम ३०३(२) प्रमाणे चोरीचा गुन्हा दाखल करण्यात आला होता. डंपर क्रमांक एमएच.१५.डीके.९७५३ हा ११ लाख रुपयांचा डंपर दि. ११ डिसेंबर रोजी मालेगाव येथील लोनवाडे येथून चोरीला गेला होता. डंपर चोरीच्या तपासासाठी पोलीस तंत्रज्ञानाचा वापर करत होते.
जळगाव शहरात डंपर आल्याची माहिती मिळाल्यानंतर एमआयडीसी पोलिसांनी सीसीटीव्ही कॅमेऱ्यांच्या मदतीने परिसराचा अभ्यास केला. त्यानंतर, दोन्ही दिवसभराच्या शोधात १३ डिसेंबर रोजी डंपर फातेमा नगर परिसरातील निर्जन स्थळी उभा असल्याचे दिसून आले. पोलिसांनी त्या ठिकाणी जाऊन पंचनामा करून डंपर ताब्यात घेतला आणि मालेगाव तालुका पोलिस स्टेशनशी संपर्क साधून त्यांना डंपर सुपूर्त केला.
या कार्यवाहीमध्ये पोलिस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी संदीप गावीत यांच्या मार्गदर्शनाखाली एमआयडीसी पोलिस निरीक्षक संदीप पाटील, पोलीस उपनिरीक्षक शरद बागल, कर्मचारी विशाल कोळी, राहुल रगडे, योगेश बारी यांचा सहभाग होता.
या घटनाप्रकरणामुळे पोलिसांच्या तत्परतेची आणि कार्यक्षमता याचीच एक चांगली उदाहरण पाहायला मिळाली आहे.
टिप्पणी पोस्ट करा