जळगाव शहरातील आरएल चौफुली येथे घडली घटना, एमआयडीसी पोलिसांचा तपास सुरू
जळगाव अपडेट न्यूज निखिल वाणी I शहरातील आरएल चौफुली येथे भरधाव डंपरने समोर जाणाऱ्या दुचाकीला उडवल्याने एका युवकाचा जागीच मृत्यू झाल्याची दुर्दैवी घटना बुधवारी ११ डिसेंबर रोजी दुपारी ३.३० वाजता घडली. याबाबत एमआयडीसी पोलीस ठाण्यात गुन्हा दाखल करण्याची प्रक्रिया सुरू होती.
मयत युवकाचे नाव आसिफ हाजी शौकत कुरेशी (वय ४०, रा. आशा नगर, सुप्रीम कॉलनी, जळगाव) आहे. त्यांच्या पश्चात पत्नी, ३ मुले आणि १ मुलगी असा परिवार आहे. उत्तर प्रदेश येथील रहिवासी असलेले आसिफ कुरेशी पत्नी व चार मुलांसह जळगाव शहरातील सुप्रीम कॉलनी परिसरातील आशा नगर येथे राहात होते. वॉल फिटिंगचे काम करून ते उदरनिर्वाह करत होते. बुधवारी, ११ डिसेंबर रोजी दुपारी ते गावातील काम आटपून घरी जाण्यासाठी दुचाकी (एमएच १९ डीसी १७५१) ने निघाले होते.
त्यावेळी एमआयडीसीतील आर.एल. चौफुली येथून जात असताना त्यांना मागून येणाऱ्या डंपर (एमएच १९ सीएक्स ४९४०) ने जोरदार धडक दिली, ज्यामुळे आसिफ कुरेशी यांचा जागीच मृत्यू झाला. घटनास्थळी एमआयडीसी पोलिसांनी धाव घेतली आणि पंचनामा करून मृतदेह शासकीय वैद्यकीय महाविद्यालय येथे रवाना केला. याप्रकरणी एमआयडीसी पोलीस ठाण्यात गुन्हा दाखल करण्याचे काम सुरू आहे.
टिप्पणी पोस्ट करा