आश्रमशाळेतील विद्यार्थी पंकज जमादार विहिरीत पडला, पोलिसांनी अकस्मात मृत्यूची नोंद केली
जळगाव अपडेट न्यूज, निखिल वाणी I अमळनेर तालुक्यातील पिंगळवाडे येथील आश्रमशाळेत सायंकाळी हजेरी घेत असताना, पहिलीच्या विद्यार्थ्याला पंकज जमादार वळवी (वय ७ वर्ष), रा. केलीपाणी, ता. तळोदा, जि. नंदुरबार हा अचानक दिसला नाही. यामुळे शाळेत घाबरलेल्या शिक्षक आणि विद्यार्थ्यांनी त्याचा शोध सुरू केला. शोध घेत असताना, पंकजचा मृतदेह शाळेच्या शेजारी असलेल्या अतुल शरद पाटील यांच्या शेतातील विहिरीत आढळला.
त्याचा मृतदेह पाण्यात तरंगताना दिसल्याने त्याचा बुडून मृत्यू झाल्याची पुष्टी झाली. ग्रामस्थांनी पोलिसांना माहिती दिल्यानंतर, खाटेला दोर बांधून मृतदेह विहिरीतून बाहेर काढला. नंतर, रात्री उशिरा शवविच्छेदनासाठी मृतदेह ग्रामीण रुग्णालयात नेण्यात आला.
या घटनेबद्दल भरत कोळी यांच्या फिर्यादीवरून मारवड पोलिसात अकस्मात मृत्यूची नोंद करण्यात आली आहे. पुढील तपास पीएसआय राहुल बोरकर करीत आहेत.
टिप्पणी पोस्ट करा